اخرج من البيبان

January 24, 2008

زمان
و احنا لسة صغيرين .. كانت دايما كب مشاكلنا محلولة .. او بعبارة ادق .. ماكنش عندنا مشاكل اصلا ..
كانت مثلا اصعب مشكلة ممكن تقابلك .. انك عايز تفضل صاحي شوية بعد الساعة تسعة في ايام المدرسة .. او انك تروح تبات مع ولاد خالتك يوم الخميس او تقمع مامتهم انهم يباتوا معاك و يبقى منطقكم انكم كدة كدة هاتشوفوا باباكم و مامتكم يوم الجمعة في النادي !

كانت مشاكلنا صغيرة .. و عمرنا ما فكرنا ان كون حد يفهمك غلط او مايفهمكش اصلا دي مشكلة .. عمرك ما فكرت اصلا في الموضوع ده .. و في نفس الوقت عمر ما حد فهمك غلط ..

و بعد شوية كبرت و ابتديت تخبط في الحقيقة حيطة ورا حيطة .. ساعات كنت بتعدي .. و ساعات كنت بتلبس في حيطة سد .. و تبقى واقف مش فاهم .. لأنك اصلا ماكنتش تعرف ان الحيطة دي موجودة ..

شوية بشوية .. ابتديت انت كمان تبني حيطان و نسيت احساسك بالاستغراب لما كنت بتشوف الحيطان دي زمان .. و ابتديت تبقى جزء من مشكلة ناس .. مرة انك فهمت غلط .. و مرا تحت بند حرص و ماتخونش .. و بقيت كمان بتبني حيطان ساعات و تقفل كل شبابيكها .. علشان ماحدش يعرف يدخلها و تخبي فيها اللي انت مش عايز الناس تشوفه .. و بقى الناس اللي حواليك هما كمان عليهم انهم يحاولوا يكسروا الحيطان دي و يعدوها .. علشان يوصلولك

و مع كل حيطة الناس ماعرفتش تكسرها من حواليك و تعديها .. بقت بتزيد الحيطان .. و لقيت نفسك بتحبس نفسك بنفسك جوا حيطان .. و مع انك ساعات كتير بيبقى نفسك ان حد يكسر الحيطان دي .. الا انك غصب عنك .. بتلاقيك بتدافع عنها بكل قوة .. لغياة ماتبعد الناس عنها .. او يكون الحد ده بيحاول و مش ناوي يسيبك ورا الحيطة و يفضل يكسر لحد مايفوت النحية التانية .. و يفوت معاه نور الشمس ..

بجد بستغرب من كل الحيطان اللي بنبنيها .. و المجهود اللي بنبذله علشان نحافظ عليها .. مع اننا في اغلب الاوقات بنبقى مش طايقنها و نفسنا نكسرها .. بس الخايفين النور يدخل مرة واحدة و يوجعلنا عنينا !

مع اننا كلنا في عز البرد جوا الحيطان .. بنحلم بشمس الشتا تلمسنا و تدفي قلوبنا ..

المشكلة كلها ليها حل .. في 3 كلمات .. بس على قد ما هو صغير .. على قد ما عايز شجاعة ..
مش لازم تكسر حطان .. لو مش عايز .. سيبها مكانها ..
اخرج انت من الباب .. اطلع انت للنور بدل ناتستناه هو اللي يدخلك ..
و انسى انت بنيت الحيطان فين .. اهجرها و ماترجعلهاش تاني ..
و املا قلبك بالدفا .. و سيبه يكبر قوي .. و يساع الناس كلهم .. و ماتخافش عليه لايتجرح .. حتى لو .. الشمس هاتداويه ..

يا ترى تقدر تعمل كدة ؟؟
تخرج من بيبان خوفك البرد ؟
و تحس دفا شمس الشتا

Advertisements

3 Responses to “اخرج من البيبان”

  1. Anonymous Says:

    زمان وانا صغير كنت بحلم ابقى كبير تعب القلب واتحير من الدنيا ومن المشاوير قولت يارتنى فضلت صغير زى زمان

  2. Ala'a Says:

    فعلا عندك حق حياة الكبار مليانه بمشاكل كتير وللأسف احنا اللي وضعنهاها بادينا وبعدين الموضوع مش مشكله الحواجز اللي حطناها وبس المشكله بقيت متشعبه قوي فدخل فيها الكذب والصدق والخداع والموراغة والنفاق والشك وال….
    اكمل ولا كفايه

    علي العموم سعيده بأني أتعرفت علي مدونه زي مدونتك

    تحياتي لك
    الاء

  3. Ala'a Says:

    فعلا عندك حق حياة الكبار مليانه بمشاكل كتير وللأسف احنا اللي وضعنهاها بادينا وبعدين الموضوع مش مشكله الحواجز اللي حطناها وبس المشكله بقيت متشعبه قوي فدخل فيها الكذب والصدق والخداع والموراغة والنفاق والشك وال….
    اكمل ولا كفايه

    علي العموم سعيده بأني أتعرفت علي مدونه زي مدونتك

    تحياتي لك
    الاء


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: