و لسة جوه القلب أمل

February 16, 2008

دخل الشتا و قفل البيبان عالبيوت ..
و جعل شعاع الشمس .. خيط عنكبوت ..
و حاجات كتير بتموت في ليل الشتا
لكن حاجات اكتر بترفض تموت ..
عجبي

بيتملكني احساس جارف .. بالأمل

ايوة في سلبيات كتير -اوي- حولينا ..
و اه حالنا لا يسر عدو ولا حبيب
و مشاكلنا زادت .. و احساس الناس ببعضها قل و الدنيا بقت صعبة على كل الناس

و لكن ..

لسة فيه ناس قلبها على بعضها ..
لسة فيه ناس بتحاول تصلح ..
لسة فيه عقول بتفكر ازاي تخلي بكرة احسن
لسة فيه عزيمة في ناس قلبها على بلدها

و سيبك من نص الكباية الفاضي و المليان ..

لو عندك حلم .. ارجوك ماتتخلاش عنه ..
خليك وراه .. و اه هاتتعب شوية لحد مايتحقق ..
لكن ماتتصورش احساسك هايكون ايه و انت شايفه بيتحقق .. و انت شايف انك بتغير في بلدك للأحسن
و من حلم لحلم .. و من هدف لهدف .. اكيد هاتبدأ تحس الفرق.

البلد دي لسة فيها خير كتير في قلوب و عقول ناسها .. بس نحط ايديها في ايدين بعض
و اكيد بكرة هايتغير بينا

* شكر و تقدير و تحية من اعماق قلبي .. لكل واحد بيحاول يغير اي واقع في بلده للأحسن .. بيحاول بجد من قلبه.
** رسالة لهذا الذي يجاهد للتغيير .. حتى لو الطريق طال بيك شوية .. تأكد انك في الآخر هاتوصل .. اكيد

Advertisements

2 Responses to “و لسة جوه القلب أمل”

  1. عــلا Says:

    الله عليك يا حسن، قلت كل اللي في فكري بقالي كام يوم و على فكرة انت كده حمستني اني احط الكلام اللي في بالي ده على الورق و انتظر مني وشوشوشاية في أقرب وقت ان شاء الله.

  2. Fruitgirl Says:


    لو عندك حلم .. ارجوك ماتتخلاش عنه ..
    خليك وراه .. و اه هاتتعب شوية لحد مايتحقق ..
    لكن ماتتصورش احساسك هايكون ايه و انت شايفه بيتحقق .. و انت شايف انك بتغير في بلدك للأحسن”

    يا سلام لما يبقى فعل ” أرجوك” وبعدها
    ما تتخلاش عن حلم
    ولما تبين إن هيبقى في تعب بس نتيجة التعب ده هتبقى حلوة ..

    بالضبط زي ما بتدور على حتة سكر مركزة في مكان كبير وإنت تعبان أوي ونفسك فيها وبرضه عمال تدور ومش عايز تشرب الشاي باللبن بتاعك من غيرها

    :)

    يارب تلاقي حتة السكر دي


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: