حياة

April 24, 2009

علموني عنيكي اسافر ..

علموني افضل مهاجر ..

علموني اكون مسامح .. زي نبع الحب صافي

علموني اعشق صحابي ..

و انسى وياهم عذابي ..

و الغريب ان دق بابي .. يرتوي من نبع صافي !


صحيت من النوم .. بحب الدنيا ..  ببتسم في وش الناس

و بطلع لساني في وش المشاكل !

صحيت من النوم .. جوايا طاقة تبني الف مدينة .. و تملاها حياة و حب

صاحي من النوم .. بحب البني آدمين .. و بحب صحابي .. و بحب نفسي .. و بحبك !


مين قال ان الدنيا لازم تكون سهلة ؟؟ يمكن نسيوا يقلولنا اننا هنقابل مشاكل .. لكن ماحدش قال انها هتكون كلها فيلم كارتون كبير

لكن مين قال اننا منقدرش نخليها تجربة ممتعة ؟؟

حتى بكل الصعب اللي فيها

و طبعا بكل الضحك .. و غزل البنات .. و الأغاني القريبة .. و البني آدمين !

الحياة .. اغلى هدية حصل عليها كائن .. و الكائن ده سيادتك .. و حضرتي !

متفائل ؟؟ اه طبعا .. و لي الف حق !

بجد بحب الناس بعشق ضحكة على وش راجل عجوز شقيان و دقنه مش محلوقة !

بموت في ضحكة طفل .. و دلع بنوتة عاملة شعرها ضفيرة !

كلمتين مع ناس بتفهم في وسط البلد .. في الزمالك .. على كوبري اكتوبر او حتى الدائري !

عشوة متأخرة بالليل مع عيلتك .. صحابك .. او حتى لوحدك

قزقزة الفيشار و انا بتفرج على فيلم ممتع في السينما لوحدي في وسط الشتا

متعة الهروب من الحر جوة مطعم .. مقهى .. او حتى مول -طالما مع صحبة ممتعة-

الهروب لمدة ساعتين من زحمة الشارع و السواقة .. و سماعك لكلمتين هيفيدوك اكيد من ناس ملهاش مصلحة عندك !

اللف في العربية و الدفا في عز البرد ..

الغرق في بحر عيون البني آدمين ..

ضحكة بنت عندها ست سنين بتنور الدنيا بشمس حنينة تدفي القلب و تزغزغ العصافير !

صوت منير و فيروز و شيخ امام و بونجوفي و بابلي و رونان كيتينج و بوب مارلي و لينا و شربيني و سيناترا و دين مارتين و ديدو و اسكدريللا و بافاروتي ام كلثوم في طريق السفر ..

و صوت بتحبه بيقرالك كلام جاهين

كل كلمة في كل كتاب قريتها ..

كل صورة خلت “عيني مبسوطة” !

عبقرية كل لغة .. و صوتها في ودني !

ريحة كل اكلة بحبها!

طعم الايس كريم .. و ازاي كل مرة مع كل حد ليه طعم مختلف !

صوت الكاميرة و هي بتصور !!

بني آدمين بنقابلهم كل يوم !

و ميت مليون حاجة كمان ..

بجد .. مبسوط

حتى و انا بقول الله يرحمك يا جاهين .. كنت مبسوط انه عاش .. و اكيد هو كمان كان مبسوط !

راضي لأقصى حد..

و عارف ..

و متأكد ..

و مستني ..

و مآمن ..

ببكرة

:)


Advertisements

5 Responses to “حياة”

  1. Cinderella Says:

    انا مبسوطة اوي :)
    عارف ليه؟ اصل فيه (حياة)

    يارب تفضل دايما في قلبك وعقلك :)

    وفي كل ذكري حلوة و نبض جوا قلبك :)

  2. washwashat Says:

    And I have fallen in love with post.. really :)

  3. Anonymous Says:

    :)

  4. Anonymous Says:

    you made me smile :) and have hope again :)

  5. W O R D S Says:

    Cinderella
    :)
    يارب ليكي انت كمان .. و متضيعيش ابدا الضحكة اللي بتنورلك الدنيا ابدا

    washwashat
    thanks !!

    غير معروف 1
    :) back @ ya

    غير معروف2

    so glad it touched u wherever u are :)


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: