على اوضتك يا امور .. و متعطلش المرور !

June 2, 2009

فاكر زمان لما كنت لسة عيل صغير -رخم في اغلب الأحيان- طول النهار تتشاقى و تعمل دوشة و تكسير في الفازات الكريستال و التابلوهات المتعلقة و التماثيل المورانو بسبب كورة طايرة في الهوا ولا من عصبيتك و خبطة رجلك في الترابيزة بعد ما خسرت و انت بتلعب بالأتاري و لا النينتيندو او البلاي ستيشن او حتى الباناسونيك ثري دي او- حسب سنك- !

طيب يا ترى فاكر المشهد اللي كان بيتكرر في افلام كتييير ابيض و اسود لما كان بييجي عريس لبنت في بيتهم يتقدم او يتعرف على اهلها و كانوا دياما يروحوا حابسين اخوات البنت الصغيرين في الأوضة بتاعتهم و يأكدوا عليهم انهم مايتحركوش منها و يهددوهم بالويل و الثبور و عظائم الأمور لو شافم وشوش سعادتهم بره الأوضة ؟؟!

المشهد ده يا ترى مش مشبه عليه في حاجة ؟!!

مش عارف ليه افتكرت موضوع الأوضة ده النهاردة بعد مارجعت من برة و شفت “الاستعدادات” لاستقبال الأخ العقيد السيد الأستاذ الدكتورالمفدى ربنا يحنن قلبه علينا و يزهزهنا و يهنينا و ينغنغنا و يزغزغنا و يغدينا و يعشينا هاي هيء

تناثرت شائعات بدون تأكيد ان الشوارع يوم الخميس هتكون مقفولة !

هايتجه على الجامعة و منها على الأهرامات و بيقولك كمان منطقة القلعة اتزوقت مما يعني انه هايطلع على هناك كمان حيث غالبا بعد زيارة القلعة هيركب بقى علشان يروح من موقف السيدة عيشة !

و طبعا كل ده هيتطلب اجرائات امنية مشددة .. و عليه و من موقعي هذا ..

بقول لكل واحد فيكم .. الحاضر يبلغ الغايب .. و اللي بيلعب في كتف زميلته يسمع علشان ده الكلام اللي هاينفعه و اللي مش هيسمع لا يلومن الا نفسه !

اخي المواطن .. اختي المواطنة ..

اللعب في اوضتك يا حبيبي و ماتطلعش الصالون علشان جايلنا ضيوف !

Advertisements

One Response to “على اوضتك يا امور .. و متعطلش المرور !”

  1. washwashat Says:

    و الله انا نفسي ألعب في أوضتي و مااطلعش الصالون و لا حتى اشوف خيال الضيوف دول.. انما مين هايعوضني عن يوم الأجازة اللي هايتخصم من أجازاتي في اليوم ده؟

    نايس بوست يا حسن :)


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: